السلام عليكم
الكلام إللى هاقولة دة لحبايب قلبى الأهلوية وبس .. ومش عايزين حد غريب لو سمحتم
---
الحمد للة ياجماعة الأهلى حاليا ماشاء الله مافيش لية أى منافس فى مصر وأفريقيا
وأى فريق بيجى يلاعبة بيدعى وبيقول يارب نتعادل .. ولو الأهلى تعادل مع فريق مصرى أو أفريقى بيبقى تعادل بطعم الهزيمة
وحاليا الحمد لله بطولة الدورى ضمناها .. مع إننا خدناها كتير بس يلا أهو على رأى المثل البحر يحب الزيادة
ماعلينا .. أدخل بقى فى مضمون الموضوع
فى ساعات موضوعات سواء تخص الأهلى أو أى فريق تانى وفى ناس بتحب تدخل تفرض نفسها او تفرض أسم فريقها علينا
وإحنا برضو بنرد عليهم وبنجاريهم فى كلامهم ودة اكبر غلط إحنا بنعملة.. لإن كدة إحنا بندى لفرقهم حجم ومركز
والله ياجماعة لو نفضنا ومارضناش على حد من الردود الظريفة اسم فراقهم هايتنسى
ومش هيلاقوا حاجة يعملوها ويمكن مايدخلوش القسم دة اصلاً
انا مش قصدى إن إحنا مانردش على اى موضوعات غير خاصة بفريقنا لا نرد بس نقول شكرا وبالتوفيق ومبروك لو فريق فاز يعنى وهى دى الروح الرياضية بتاعت الأهلوية
والله ياجماعة إحنا لما بنرد على حد بيستظرف او دمة خفيف ب ننزل من قيمة النادى بتعنا وبنحطة فى مقارنة ودة أكبر غلط إحنا بنعملة لأن مافيش أى وجهة مقارنة أصلاً
بين النادى الأهلى وأى فريق فى أفريقيا
وبنتكلم كلام على الفاضى والمليان ونضيع وقت .. طب وعلى إية مالهاش لازمة الكل عارف مين الأهلى
ياريت يكون كلامى معناة وصل
وسيبوا إللى يكلم يكلم خليهم كدة مع نفسهم يردوا ويغنوا على بعض
وفى النهاية أحب أقول وأكد للى ماخدش بالة من العنوان .. الموضوع دة للأهلوية وبس
يعنى بالعربى الفصيح الموضوع دة للاهلوية فقط لاغير
وشكرا